鄭汝樺請回答我

有咩證據遲興建高鐵一日香港蝕五百萬？
證據呢？我要證據！
唔係學大契講我對眼就係證據咁老土丫嘛？

我無話唔贊成興建高鐵
但係點解要六百六十九億？
係咪真係要咁貴？
點解連會計界都叫停我地政府仲要堅持？
點解總站一定要係西九？
點解西九文化區要靠高鐵？
點解唔係本地文化唔係本地藝術為本而係高鐵、M1博物館、天幕？
香港文化界係咪需要呢D野？
文化區係唔係淨要黎搵錢？
你有冇去過畢爾包 (bilbao)睇過？
無咁近d有冇去北京798先？
有冇諗過參考人地？
咩得你咁stubborn 死話一日香港蝕錢？
你見錢開眼做咩唔從商走去做官？

講番高鐵，點解要因為拆菜園村？
係唔係powerless就好蝦d丫？
因為興建高鐵人地無左屋企喎
不如咁啦，拆曾蔭權住緊棟禮賓府做緊急維修站
等佢成家同埋佢既錦鯉搬扯吧啦
你話講唔講得通？
係咪講唔通先！？

btw, 我真的為自身為八十後的一群而驕傲
香港這城市的確是需要更多的想法更多的公眾參與更多的人為弱勢社群抱不平
這城市有趣，正因為此。

藝游綠色菜園文化節真的很有趣